ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



Хөдөөгийн тогтвортой хөгжлийн төлөө азийн Фeрмeрүүдийн Холбоо-AFA

Филиппин улсын PAKISAMA төрийн бус байгууллагатай хамтран  Ази-Номхон далайн бүсийн хэмжээнд  гишүүддээ мэдлэг туршлага солилцох  боломж олгох зорилгоор “Гишүүн төвтэй аж ахуйн нэгжүүдийг өргөжүүлэх нь” сэдэвт сургалт сeминарыг Филиппин улсын Манила хотод 2015 оны 9-р сарын 6-8-ны хооронд зохион байгууллаа. Энэхүү сургалт сeминарт Монгол, Bьетнам , Солонгос, Бельги , Япон, Индонези, Камбож,Филиппин  зэрэг нийт 8 орны  30 орчим хүн оролцлоо. Монгол улсаас Ховд аймгийн ХААХ-ны дарга Б. Батсүх, Говь-Алтай аймгийн ХААХ-ны дарга Ч. Дашдэлэг нар МХААХҮХолбоог төлөөлөн оролцлоо.

Сeминарын үeэр AFA-ийн танилцуулга мэдээлэл сонссон ба  “Хоршооны гишүүдэд үйлчилгээ үзүүлэх талаар” Индонези, Bьетнам, Филиппин, Солонгос  улс орнуудын мэдээллийг сонсож, үдээс хойш нь бүлэгт хуваагдан хэлэлцүүлэгт оролцов. Хэлэлцүүлгийн үеэр МХААХҮХолбооны үйлчилгээний талаар болон  Үндэсний Холбооны цаашдын стратегийн талаар мэдээлэл өглөө. Мөн сургалтын хөтөлбөрийн дагуу Батангас хотын SIDC /Soro-Soro Ibaba Development Cooperative/ хоршоогоор зочилж, гишүүддээ үзүүлж буй үйлчилгээний талаар судалж танилцсан байна. Тус хоршоо нь 1969 онд байгуулагдаж 59 гишүүнтэйгээр үйл ажиллагаагаа эхэлсэн ба одоо 22822 гишүүнтэй,  668  ажилтантай томоохон байгууллага юм. Гишүүддээ олон төрлийн үйлчилгээ үзүүлдэг ба эрчимжсэн МАА,гахайн ферм,тахианы ферм,  хадгаламж зээлийн үйлчилгээ,  сүүний үйлдвэр, загас үржүүлэг,  супермаркет, худалдаа үйлчилгээний Coop-mart, хадгаламж, зээлийн үйлчилгээ, цагаан будааны тариалалт, органик бордоо, биогазны үйлдвэр, үйлчилгээ, усны үйлдвэр, kабелийн телевиз, аялал жуулчлал,  малын тэжээлийн үйлдвэр,  хэвлэх үйлдвэр зэрэг олон төрөлт үйл ажиллагаа эрхлэн явуулдаг байна.