ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



ҮНДЭСНИЙ ХОЛБОО БҮХ ХЯТАДЫН ХАНГАН НИЙЛҮҮЛЭЛТ, МАРКЕТИНГИЙН ХОРШООДЫН ХОЛБООТОЙ УУЛЗАЛТ ХИЙЛЭЭ.

      Бүх Хятадын ханган нийлүүлэлт, маркетингийн хоршоодын холбоо /БХХНМХХ/-ны урилгаар Үндэсний холбооны төлөөлөл  БНХАУ-ын Бээжин хотноо 2016 оны 11-р сарын 10, 11-ны өдрүүдэд айлчилж албан ёсны уулзалт зохион байгууллаа. Айлчлалын зорилго нь Үндэсний холбоо гишүүн хоршоодынхоо малын гаралтай түүхий эд, бүтээгдэхүүнийг БНХАУ-ын зах зээлд гаргах боломжийг судлах, БХХНМХХ-той хамтарч ажиллах санал солилцох явдал байлаа. Төлөөлөгчдийн бүрэлдэхүүнд МХААХҮХ-ны ерөнхийлөгч Д.Сумъяабазар, МХААХҮХ-ны гүйцэтгэх захирал Л.Тэмүүжин, “Нэйшнл Инвестмент Менежмент”ХХК-ийн захирал С.Оргилмаа нар орсон байна.

 

         Тус уулзалтад Бүх Хятадын ханган нийлүүлэлт, маркетингийн хоршоодын холбооны талаас Дэд ерөнхийлөгч  ноён Ли Чүн Шөн, Гадаад харилцааны  дарга ноён Жан Ван Шү, Гадаад харилцааны дэд дарга хатагтай Лю  Тин, Гадаад харилцааны албаны захирал Хатагтай Ван Лэй, Гадаад харилцааны мэргэжилтэн Жан Жин, Гадаад харилцааны мэргэжилтэн Цао Вэй нар оролцлоо.

        Айлчлалын 2 дахь өдөр 11-р сарын 10-ны 16 цагт: “China-Coop Group”-тай уулзалт хийлээ.  “China-Coop Group” нь салбар 16 байгууллагатай хүнс, хөдөө аж ахуй, далайн бүтээгдэхүүн, хөвөн даавуу, үл хөдлөх хөрөнгө гээд бүхий л  салбарт үйл ажиллагаагаа явуулдаг томоохон групп юм.

БНХАУ дахь ажлын айлчлалын үр дүнд МХААХҮХ талаас НАМАК брэндийн бүтээгдэхүүний танилцуулгыг цахимаар илгээх, БНХАУ-руу экспортлох боломжит бүтээгдэхүүнүүдийг судлан мэдээлэх, БНХАУ-аас импортлох ХАА-н тоног төхөөрөмжийн төрөл зүйл, ангиллыг тодорхой болгож мэдээлэхээр болов.

        БХХНМХХ талаас Санамж бичгийн төслийн талаар шаардлагатай нэмэлт мэдээлэл авах, Санамж бичгийн төсөл дээр ажлын хэсэг байгуулан ажиллах, “China Coop Group” талаас Сонирхож буй нүүрсний төрөл, чанар, хэмжээний талаар мэдээлэх, Сав, баглаа боодлын үйлдвэрийг МХААХҮХ холбох, ХАА-н тоног төхөөрөмжийн үйлдвэрийг МХААХҮХ холбож ажиллахаар болов.

    Уулзалтуудын үр дүнд БХХНМХХ-той хамтран ажиллах санамж бичиг байгуулж 2 талын харилцан ашигтай хамтын ажиллагааг эхлүүлэхээр тохиролцсон байна.