ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



Монголын хөдөө аж ахуйн хоршоологчдын үндэсний холбоо Үндэсний хөгжлийн газар хоорондын хамтын ажиллагааны Санамж бичиг байгууллаа

Санамж бичигт Монголын хөдөө аж ахуйн хоршоологчдын үндэсний холбооны гүйцэтгэх захирал Л.Тэжүүжин, Үндэсний хөгжлийн газрын дарга Б.Баярсайхан нар гарын үсэг зурлаа.

Энэхүү Санамж бичиг байгуулснаар Бүсчилсэн хөгжлийн бодлого боловсруулах, хөгжлийн бодлого төлөвлөлтийн мэдээллийн нэгдсэн санг холбогдох мэдээллээр хангах, хамтарсан сургалт, семинар, зөвлөгөөн зохион байгуулах зэрэг чиг үүрэгтэйгээр ажиллах юм.


Энэхүү арга хэмжээний үеэр Үндэсний хөгжлийн газрын Салбарын хөгжлийн бодлого зохицуулалтын хэлтсийн дарга Д.Эрдэнэбаяр “Хөгжлийн бодлого төлөвлөлтийн нэгдсэн сангийн танилцуулга”, Үндэсний хөгжлийн газрын Судалгаа шинжилгээний албаны дарга А.Мөнхболд “Хөдөө аж ахуйн парк төслийн танилцуулга” сэдвээр,

Монголын хөдөө аж ахуйн хоршоологчдын үндэсний холбооны гүйцэтгэх захирал Л.Тэмүүжин Монголын хөдөө аж ахуйн хоршоологчдын үндэсний холбоогоо танилцуулж, мөн тус холбооны стратегийн зөвлөх Р.Батгэрэл “Монгол улсын бүсчилсэн хөгжлийн асуудал”-аар тус тус илтгэл тавьж харилцан санал бодлоо солилцлоо.