ЭРХЭМ ЗОРИЛГО

Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.



"ҮХРИЙН АЖ АХУЙ ЭРХЛЭГЧДИЙГ ЧАДАВХЖУУЛАХ НЬ" СУРГАЛТ

         

          “Жи Си Эс” Олон улсын байгууллага, Монголын хөдөө аж ахуйн хоршоологчдын үндэсний холбоотой хамтран  Нийслэлийн Сонгинохайрхан дүүргийн 21 дүгээр хорооны сүүний эрчимжсэн аж ахуй эрхлэгчдэд хоршооны тухай ойлголт, сүүний аж ахуй эрхлэлт, бизнесийн хөгжил, байгууллагын менежмент, хувь хүний харилцаа, сэтгэл зүйн чиглэлээр мэдлэг олгох, сургалтанд хамрагдсан иргэдийг хоршоо хэлбэрээр хамтран ажиллах нөхцлөөр хангаж бүс нутгийн нийгэм, эдийн засгийн хөгжлийг дэмжих зорилгоор “Орон нутгийн сүүний эрчимжсэн аж ахуй эрхлэгчдийг чадавхижуулах сургалт”-ыг 2 дах удаагаа 2017 оны 9 дүгээр сарын 14-21-ны өдрүүдэд зохион байгууллаа.

            Үндэсний холбоо сургалтын үйл ажиллагаанд “Хоршоо байгуулахад анхаарах асуудлууд”, “Хоршооны удирдлага зохион байгуулалт”, “Төрөөс хоршооны талаар баримтлах бодлого” сэдвүүдээр мэдээлэл өгч, оролцогчдод ганцаарилсан хэлбэрээр зөвлөх үйлчилгээ үзүүлсэн.

 

            Сургалтанд оролцогчид Үндэсний холбооны гишүүн аж ахуйн нэгж болох Төв аймгийн Баянчандмань суманд үйл ажиллагаа эрхэлдэг “Нарс буянт хайрхан” хоршоотой танилцаж, хоршоо байгуулж ажиллахад анхаарах асуудлууд, сүүний эрчимжсэн аж ахуй эрхлэлт, хүнсний ногоо болон малын тэжээлийн ургамал тариалалтын талаар хоршооны дарга С.Уртнасан өөрийн туршлага, мэдлэгээ хуваацаж, харилцан саналаа солилцов.