Нүүр хуудас | English | Холбоо барих
Манай эрхэм зорилго нь: Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.
Монголын Хөдөө Аж Ахуйн Хоршоологчдын Үндэсний Холбооны Ерөнхийлөгч Н.Баяртсайханы мэндчилгээ

Монголын хөдөө аж ахуйн хоршоологчдын үндэсний холбоо төв орон нутагт хоршоооллын хөдөлгөөн өрнүүлэх, хоршоологчдын нийтэллэг эрх ашгийг хамгаалах, хоршоод хөгжих таатай нөхцөл бүрдүүлэхэд дэмжлэг үзүүлэх зорилготойгоор хоршоодын саналаар 1992 онд байгуулагдсан, гишүүдээрээ дамжуулан нийгэмд үйлчилдэг төрийн бус байгууллага.

Монгол улс социалист гэгдэж байсан орнуудтай 70 жил хамт замнаж 1990-д оны эхнээс зах зээлийн эдийн засгийн харилцаанд шилжиж орсон. Хөдөө аж ахуйн нэгдэл, сангийн аж ахуйн өмчийг хувьчлахад гаргасан алдааны улмаас бүтээж бий болгосон олон арван байгууламж, техник, төхөөрөмж үрэгдэж, өмнө хүрсэн хөгжлийн түвшингээсээ нилээд хэмжээгээрээ ухарсан юм.

Монгол орон эрс тэс уур амьсгалтайн улмаас ган зудын үе үе бэрхшээл хөдөө аж ахуйн үйлдвэрлэлд сөрөг нөлөөлдөг.

Байгаль, цаг уурын хараат байдлыг зөөлрүүлж хөдөө аж ахуйгаа тогтвортой хөгжүүлэхэд хоршоолол чухал үүрэгтэй гэж үзэж байна.

Манай улсын дотоодын нийт бүтээгдхүүний 20 гаруй хувийг хөдөө аж ахуйн салбар үйлдвэрлэж, хүн амыг экологийн цэвэр хүнсээр, хөнгөн хүнсний үйлдвэрийг түүхий эдээр хангахад голлох үүрэг гүйцэтгэдэг энэ чухал салбарын хөгжлийг эрчимжүүлэхийн төлөө хоршоологчид бид ихийг хийх болно.


ОУХА нь 1895 онд байгууллагдсан ба 89 орны 237 гишүүдийг эгнээндээ нэгтгэсэн бөгөөд дэлхийн өнцөг булан бүрт нийтдээ 800 сая гаруй хувь хүнийг төлөөлдөг байна. Манай холбоо 2009 онд тус холбоонд гишүүнээр элссэн байна.

ЗУРГИЙН ЦОМОГ

ЗАРЛАЛ

Манай холбоо вэб сайтын нэрээ өөрчилж байгааг нийт гишүүд болон мэдээлэл хэрэглэгчдээ зарлаж байна. 1-р сарын 20-ээс эхлэн Эрхэм хэрэглэгч та бүхэн манай вэб сайтад орохдоо www.namac.coop гэж орж мэдээлэлээ авна уу. Цаашид манай вэб сайтын талаар санал бодлоо info@namac.mn болон утас 453535,458899 -р өгч болно.

ХОРШООЛОГЧДЫН БҮТЭЭГДЭХҮҮНИЙ КАТАЛОГИ

Монголын шилдэг хоршоодыг сурталчилах зорилгоор орон нутаг болон улсын хэмжээнд брэнд болсон экологийн цэвэр бүтээгдэхүүнүүдийг багтаасан каталоги

ХОРШООЛОГЧДЫН БҮТЭЭГДЭХҮҮНҮҮД

Сүүн хурууд, хорхой ааруул

Од-Кр хоршооний үйлдвэрлэж буй Сүүн хурууд, хорхой аруулууд нь аймгийн брэнд, хэрэглэгчдийн таашаалд нийцсэн бүтээгдэхүүн болж чадсан. Бүтээгдэхүүний онцлог нь үйлдвэрлэлийн аргаар цэвэр сүүг ариутган, элчлэг ихтэй, амт чанар сайтай, эрүүл ахуйн шаардлагад нийцсэн экологийн цэвэр бүтээгдэхүүн гэдгээрээ давуу юм.

Даршилсан бүтээгдэхүүн

2009 онд тус хоршоо нь өдөрт 150 кг хүнсний ногоо боловсруулах хүчин чадал бүхий цехийг ашиглалтанд оруулж даршилсан өргөст хэмх, хүрэн манжин, байцаа, луувангийн “Цэцэрлэг” салатуудыг үйлдвэрлэж байна. Хоршоо газар тариалан, хүлэмжийн аж ахуй эрхэлж сайн чанарын сортын хүнсний ногоо тариалан бүтээгдэхүүн боловсруулах цехээ түүхий эдээр хангаж ажилладаг.

Зөгийн бал

Баян-Зөгий хоршоо нь 2002 оноос зөгийн аж ахуйг зонхилон эрхэлж глюкоз, фруктозоос гадна хүний биед хэрэгцээтэй витамин, эрдэс, амин хүчлүүдээр баялаг, өндөр илчлэгтэй цэвэр зөгийн балыг үйлдвэрлэж байна. Эрүүл мэнддээ анхаарч цэвэр зөгийн балыг таньж хүнсэндээ хэрэглэж занших нь чухал юм.

Төмс хүнсний ногоо

Сүүлийн жилүүдэд хүнсний аюулгүй байдал чухлаар хөндөгдөх болсон. Манай оронд хүнсний бохирдол, тэр дундаа хүнсний ногоон дэх химийн бодис хүний эрүүл мэндэд муугаар нөлөөлж байна. Дархан-Уул аймгийн “Буян Да” хоршоо Импала, санте, витара сортын төмс, Оросын шилмэл сортын лууван, Монгол сонгино, нутгийн шар манжин зэрэг сайн чанарын хүнсний ногоонууд тариалж, орон нутгийн болон хот суурингийн зах зээлд нийлүүлдэг.

Чацаргана

“Үр жимс” хоршоо нь олон төрлийн чацарганы амин дэм, эрдэс бодисоор баялаг, шүүслэг чанартай сортуудыг тариалж чацарганы тос, шүүс үйлдвэрлэж орон нутгийн болон баруун бүсийн хэрэглэгчдийн хэрэгцээнд нийлүүлж байна. Тус хоршоо нь бүтээгдэхүүнээ үндэсний болон, олон улсын чанартай үзэсгэлэн, шалгаруулалтанд оролцуулж олон амжилтууд гаргасан.