Нүүр хуудас | English | Холбоо барих
Манай эрхэм зорилго нь: Хөдөөгийн үйлдвэрлэл, үйлчилгээ эрхлэгчдийн харилцан итгэлцэл, хамтран ажиллах сонирхолыг дэмжиж, хоршоолол хөгжих таатай орчинг бүрдүүлэхэд оршино.
Үндэсний Холбооны ээлжилт их хурлын бэлтгэлийн тухай
2010-02-22 21:39:30


Монголын Хөдөө Аж Ахуйн Хоршоологчдын Үндэсний Холбооны ээлжит VI их хурлыг энэ оны 6-р сард  хуралдуулахаар төлөвлөж байна.
Өмнөх хурлын ажлын гүйцэтгэл дүгнэлт сургамжаас үндэслэн одоогийн ээлжит их хурлаар дараагийн их хурлыг хүртлэх 4 жилд анхан шатны хоршоод аймгийн хөдөө аж ахуйн хоршоологчдын холбоо, Үндэсний холбооноос хийж гүйцэтгэх ажлын нарийвчилсан төлөвлөгөөг хэлэлцэн батлах зайлшгүй шаардлагатай гэж үзэж байна.
    Их хурлын зарим бэлтгэл хангах, энэхүү төлөвлөгөөг боловсруулахын тулд аймгийн хөдөө аж ахуйн хоршоологчдын холбооны дарга нарыг Улаанбаатар хотод гурав дугаар сарын эхээр ирүүлж хамтран ажиллах болно. Иймд та бүхэн гишүүд хамт олонтойгоо ярилцаж төлөвлөгөө боловсруулахтай холбоотой дараахь чиглэлээр материал бүрдүүлж асуудлаа боловсруулж байхыг мэдэгдэж байна.

    НЭГ. Анхан шатны хоршоог хөгжүүлэх асуудлаар

•    Аймгийн нийт сумдын хэдэн хувьд нь одоо хоршоо ажиллаж байгаа,  4 жилд шинээр хэдэн хоршоо  байгууллагдах боломж олгож дэмжлэг үзүүлэх.
•    Малчид, хөдөөгийнхний хэдэн хувь одоо хоршоонд гишүүнээр хамрагдаж байгаа 4 жилд үүнийг хэдэн хувьд хүргэх.
•    Хоршоодыг ажиллах чадавхийг хэрхэн сайжруулах, ямар асуудлыг өөрсдөө шийдвэрлэх, ямар чиглэлд дэмжлэг туслалцаа хэнээс авах.
•    Хоршоод ямар үйлдвэрлэл эрхлэх, үйлдвэрлэлээ хэрхэн төрөлжүүлэх, хоршоо хоорондын хамтын ажиллагааг сайжруулах талаар ямар арга хэмжээ авах
•    Хоршоо сонирхогчид, хоршооны гишүүд, удирдлагыг хэрхэн идэвхижүүлэх, сэтгэлгээг хөгжүүлэх.
•    Орон нутгийн төр захиргаа, төсөл, хөтөлбөрүүдтэй хамтарч ажиллах боломж, нөхцлийг яаж бүрдүүлэх

    ХОЁР: Аймгийн Хөдөө аж ахуйн хоршоологчдын


 холбоог хөгжүүлэх асуудлаар:
•    Одоо ямар бүтэц орон тоотой ажиллаж байгаа 4 жилд хэрхэн өргөтгөж чадваржуулах.
•    Санхүүжилт, ажиллах чадвараа хэрхэн нэмэгдүүлэх.
•    Гишүүн хоршоодтой хамтарч ажиллах үйл ажиллагааг яаж сайжруулж, тогтвортой хамтын ажиллагааг үүсгэх
•    Гишүүнчлэлээ яаж нэмэгдүүлэх.
•    Бусад ямар байгууллагуудтай хэрхэн хамтран ажиллах.
•    Үндэсний холбоотой ямар хэлбэрүүдээр хамтран ажиллах.
•    Үндэсний холбоог чадваржуулах, үйл ажиллагааг сайжруулах талаар ямар арга хэмжээ авахшаардлагатай гэж үздэг.
•    Төр засгийн төвшинд ямар асуудал тавьж шийдвэрлүүлэх шаардлагатай .

     Гурав. Мэдээлэл, тайлан бэлтгэж ирүүлэх тухай

•    Гишүүн хоршоодын дэлгэрэнгүй бүртгэлийг нэгтгэж ирүүлэх / тайлан өгсөн өгөөгүй бүгдийг авч нэгтгэх/
•    2009 оны удирдлагын тайланг Үндэсний холбооноос гаргасан маягтын дагуу гаргаж ирүүлэх
•    Гишүүн хоршоодын танилцуулга, бүтээгдэхүүн үйлчилгээний талаарх мэдээллийг авч ирүүлэх / файлаар интернетээр болон цаасаар аль боломжтойгоор/
•    Үндэсний холбооны шилдэг хоршоо, загвар хоршоодын үзүүлэлтэд хүрсэн хоршоодын материалаа ирүүлэх

МХААХ Үндэсний холбоо


ОУХА нь 1895 онд байгууллагдсан ба 89 орны 237 гишүүдийг эгнээндээ нэгтгэсэн бөгөөд дэлхийн өнцөг булан бүрт нийтдээ 800 сая гаруй хувь хүнийг төлөөлдөг байна. Манай холбоо 2009 онд тус холбоонд гишүүнээр элссэн байна.

ЗУРГИЙН ЦОМОГ

ЗАРЛАЛ

Манай холбоо вэб сайтын нэрээ өөрчилж байгааг нийт гишүүд болон мэдээлэл хэрэглэгчдээ зарлаж байна. 1-р сарын 20-ээс эхлэн Эрхэм хэрэглэгч та бүхэн манай вэб сайтад орохдоо www.namac.coop гэж орж мэдээлэлээ авна уу. Цаашид манай вэб сайтын талаар санал бодлоо info@namac.mn болон утас 453535,458899 -р өгч болно.

ХОРШООЛОГЧДЫН БҮТЭЭГДЭХҮҮНИЙ КАТАЛОГИ

Монголын шилдэг хоршоодыг сурталчилах зорилгоор орон нутаг болон улсын хэмжээнд брэнд болсон экологийн цэвэр бүтээгдэхүүнүүдийг багтаасан каталоги

ХОРШООЛОГЧДЫН БҮТЭЭГДЭХҮҮНҮҮД

Сүүн хурууд, хорхой ааруул

Од-Кр хоршооний үйлдвэрлэж буй Сүүн хурууд, хорхой аруулууд нь аймгийн брэнд, хэрэглэгчдийн таашаалд нийцсэн бүтээгдэхүүн болж чадсан. Бүтээгдэхүүний онцлог нь үйлдвэрлэлийн аргаар цэвэр сүүг ариутган, элчлэг ихтэй, амт чанар сайтай, эрүүл ахуйн шаардлагад нийцсэн экологийн цэвэр бүтээгдэхүүн гэдгээрээ давуу юм.

Даршилсан бүтээгдэхүүн

2009 онд тус хоршоо нь өдөрт 150 кг хүнсний ногоо боловсруулах хүчин чадал бүхий цехийг ашиглалтанд оруулж даршилсан өргөст хэмх, хүрэн манжин, байцаа, луувангийн “Цэцэрлэг” салатуудыг үйлдвэрлэж байна. Хоршоо газар тариалан, хүлэмжийн аж ахуй эрхэлж сайн чанарын сортын хүнсний ногоо тариалан бүтээгдэхүүн боловсруулах цехээ түүхий эдээр хангаж ажилладаг.

Зөгийн бал

Баян-Зөгий хоршоо нь 2002 оноос зөгийн аж ахуйг зонхилон эрхэлж глюкоз, фруктозоос гадна хүний биед хэрэгцээтэй витамин, эрдэс, амин хүчлүүдээр баялаг, өндөр илчлэгтэй цэвэр зөгийн балыг үйлдвэрлэж байна. Эрүүл мэнддээ анхаарч цэвэр зөгийн балыг таньж хүнсэндээ хэрэглэж занших нь чухал юм.

Төмс хүнсний ногоо

Сүүлийн жилүүдэд хүнсний аюулгүй байдал чухлаар хөндөгдөх болсон. Манай оронд хүнсний бохирдол, тэр дундаа хүнсний ногоон дэх химийн бодис хүний эрүүл мэндэд муугаар нөлөөлж байна. Дархан-Уул аймгийн “Буян Да” хоршоо Импала, санте, витара сортын төмс, Оросын шилмэл сортын лууван, Монгол сонгино, нутгийн шар манжин зэрэг сайн чанарын хүнсний ногоонууд тариалж, орон нутгийн болон хот суурингийн зах зээлд нийлүүлдэг.

Чацаргана

“Үр жимс” хоршоо нь олон төрлийн чацарганы амин дэм, эрдэс бодисоор баялаг, шүүслэг чанартай сортуудыг тариалж чацарганы тос, шүүс үйлдвэрлэж орон нутгийн болон баруун бүсийн хэрэглэгчдийн хэрэгцээнд нийлүүлж байна. Тус хоршоо нь бүтээгдэхүүнээ үндэсний болон, олон улсын чанартай үзэсгэлэн, шалгаруулалтанд оролцуулж олон амжилтууд гаргасан.